اتبسط اوي اني عرفتك و من يوم ما عرفتك و انا حجات كتير اوي في حياتي اتغيرت ❤️ و نظرتي لحجات اكتر اختلفت لما ابتديت اسمع و اعقل الكلام و انفذه مكنتش مصدقه ان بجد دنيتي تتظبط كدة ❤️ شكرا انك في حياتي و انك بتساعديني اطلع احسن ما عندي ❤️ اكتشفت انا جديده شخصية حلوة و مرحة و الناس بتحب تصاحبها و تقعد معاها عرفت معاكي اني لما بكون عايزة اعمل حاجة بعملها طالما قررت خلاص مفيش حاجة هتوقفني ❤️

و ده اللي بيخلق التغيير الحقيقي. عرفتك في وقت كنت فعلاً حاسة إني تايهة، مش عارفة أبدأ منين ولا أروح فين، ولا حتى أتخيل إن ممكن أخرج من اللي كنت فيه... وجودك جنبي كان فرق حقيقي، ووقفتك معايا في مواقف ماكنتش عارفة أعديها لوحدي و كنتى سند حقيقي. ساعدتيني أفهم نفسي، نورتيلى سكك كنت شايفاها ضلمة، و خلتينى أحس إني مش لوحدي. وشكرًا من قلبي على كل لحظة دعم ودفئ حستها معاكى ❤️❤️

We've came along way together f msh arfa abda' mnen😂 bas lately et3lmt skills kont bsm3ha alatul bs never knew how to actually apply it f hyaty I learnt to express my feelings w da khlane ahtrm msha3re w nfse aktar and made me see myself from within not from people's eyes only 2.etkhlet 3an dor el saviour which am still working on and starting to redirect this energy all to myself I've alot on my mind bas this is what i can tell now

One of the most beautiful experiences I've had this year is taking counseling sessions with Iman. Iman is an extraordinary coach; you feel like she has an answer to every question you have, and her answers are often strange and unexpected, yet logical. I always feel that she understands the depth of my questions and why I have them. Her style and approach allow me to ask any question that comes to mind because she makes me feel accepted and unjudgmental. After each session, I find a clarity that allows me to see my life in a better way and to reflect on myself more beautifully. Her guidance always feels divinely aligned and deeply insightful. I'm grateful to Iman for being in my life's journey. ❤️🙏

بصراحة مش عارفة أبدأ منين ولا أقول إيه! بس اللي متأكدة منه إن وجودك في حياتي عمل فرق كبير أوي، فرق ما كنتش أتخيله. من قبل ما أتعامل معاكي، كنت في حتة تانية خالص، والحمد لله إني وصلت للي أنا فيه دلوقتي بفضلك بعد ربنا. بجد يا جماعة، ايمان مش مجرد واحدة بتدي نصايح او شخص بتقعد تحكيله و تفضفضله من اللي مضايقك، دي حد بيغير حياة! معاها، حسيت إن مداركي وسعت، بقيت شايفة الدنيا بمنظور مختلف تماماً. مش بس على مستوى الشغل والعلاقات والصحاب، لأ دي كمان غيرتني كشخص. زمان كنت دايما أحكم على الناس بسرعة، لكن معاكي اتعلمت أكون أقل حكمًا وأكتر احترافية في تعاملاتي. وقفتي جنبي في مواقف كتير أوي، مواقف لو كنت لوحدي فيها مكنتش هتعدي بالسلام ده. الصراحة، المواقف دي كتير لدرجة إني مش فاكرة أعدها. وفوق كل ده، أنتِ السبب الرئيسي في إني اتجوزت الشخص اللي بحبه، ومستحيل جوازتنا كانت هتتم من غير مساعدتك ودعمك. أنا بجد مدينة ليكي بكل اللي وصلتله، ومن كل قلبي بشكرك على كل حاجة عملتيها معايا. لو أي حد بيفكر ياخد خطوة اللايف كوتشينج، او مش عارف ايه ده اصلا بس حاسس انه محتاج مساعده و مش عارف يبدأ منين لازم يكلم ايمان .. هتنظمله دماغه و هتفهمه هو عايز ايه من الدنيا!

كلمتك و انا دماغي مش بتسكت من كتر التفكير جسمي تاعبني ولا بنام و لا باكل و لا قادرة اسيطر ع دماغي قولتيلي حلول مكنتش عارفة ايه علاقتها بالموضوع و ازاي ممكن دا يساعد بس صدقت و مكنش عندي فرصه و لا طوق نجاة غير دا لحد ما قدرت امسك تاني نفسي و اقدر اسيطر ع حياتي اكن حد سارقها مني و رجعتلي حددت انا اية اولوية عندي و ايه الي بجد عايزاه و قدرت اعمله رغم ان كان مستحيل شكرا من كل قلبي سمعتيني مرة و اتنين و عشرة و لا زهقتي ولا لخبطتك كتر افكاري ربنا يجعلك نور دايما ينور الدنيا

شكراً من قلبي على مساعدة حضرتك طول الوقت ❤️ دايماً بفتكر كلامك و كتير لما بحس اني فخورة بنفسي ببقى عايزة اقولك انا بقيت أحسن كتير و كل اللي حواليا ملاحظ ده و كذا حد قريب علق لي بالفعل استقبالي للأمور و ردود أفعالي أهدى كتير تعاملي مع نفسي و مع الناس بقى فيه قبول و تفهم اكتر بكثير بركز على نفسي و بلاقي الحاجات حواليا بتتغير لوحدها نومي بقى احسن و مزاجي أروق و نفسيتي مستقرة اكتر واخدة بالي من أكلي و شعري طول 😁 بروح Belly dancing 💃🏽 رجعت أعمل voice over ❤️❤️

صباح الورد والجمال 🌹 حابه اعبر ليكى عن امتنانى لكل خطوة مشيتها معى من سنه ونص سواء على المستوى الشخصى او على مستوى شغلى اللى كل يوم بتعلمنى ازاى اسبق بعشر خطوات ❤️ ممتنه انى عايشه حياتى بدون مهدىء وأدركت نعمه ربنا علينا فى الحياه إن الواحد يعيش بمشاعره وأحاسيسه رجعتنى انى اعرف اتعامل مع اولادى من اول وجديد بكل حب انا مش هقولك ايه اليوم الحلو دا هقولك ايه السنه الحلوة دى ❤️❤️❤️